На долниот крај и на завршетокот на главната улица Маршал Тито се наоѓа објектот на Железничката станица, изграден 1932 година, непосредно после земјотресот од 1931 година, кога е оштетен и срушен  стариот турски објектна станицата што е подигнат во последните децении на 19-от век. Претставува карактеристичен јавен репрезентативен објект во архитектонскиот јазик својствен за периодот  меѓу двете светски војни. Денес е во фаза на реновирање и е во сопственост на Министерството за транспорт и врски на Р. Македонија.