Школото во Серменин претставува објект со исклучителна историска вредност, каде што се обучувале првите македонски учители од овој крај. Тој се наоѓа во с. Серменин, село со исклучителна важност за време на НОБ. Во месеците октомври - ноември 1944 година во овој објект се држани курсеви за повоени македонски учители и се направени првите чекори на повоеното македонско национално школство во Гевгелиско-дојранско-валандовско подрачје. Предавачи биле неколку оспособени учители, доктори, агроном, ветеринар кои регрутирале и оспособиле околу 75 учители, исклучиво младинци, кои подоцна дејствувале на поширокото подрачје описменувајќи на голем број ученици и младинци.