Свети Илија е македонска православна христијанска црква во Давидово, која истовремено е главна манастирска црква на Давидовскиот Манастир. Црквата е подигната во 1937 година. Според преданието, на местото на денешниот манастир, во периодот меѓу двете светски војни, била изградена мала црква, наречена „Св. Илија”. Таа во 1945 година била обновена и проширена, па целиот комплекс прераснал во манастир. На запад од манастирот е изграден нов конак со две соби за престој на верниците. Главниот патрон се прославува на 2 август - Илинден. Манастирот е особено посетен за време на верскиот празник Илинден, кога има многубројни посетители од Гевгелија и Валандово, а се верува дека овој манастир има исцелителска моќ за многу болести.