Црквата „Свети Ѓеорѓиј“ се наоѓа во селото Серменин, сместено на североисточните падини на планината Кожуф, а северозападно од Гевгелија. Црквата е изградена 1834 година, а обновена е кон крајот на  XIX век, од страна на градителот Андон Китанов.  Последно нејзино обновување е во 1940 година, а фрескоживописот бил  нацртан во 1951 година од страна на сликарот Ѓорѓи Хаџи Николов од Гевгелија. Црквата поседува богати фрески и икони,  кои датираат од  XIX век. Црквата Свети Ѓеорѓиј е една од најсочуваните цркви во регионот.