Црквата „Свети Кирил и Методиј“ се наоѓа во центарот на градот, во близина на шеталиштето, поточно на неговата јужна страна. Црквата е изградена при крајот на XIX век, поточно во 1895 година и е солидно сочувана. Поседува голем број фрески и икони и има извонреден иконостас. Црквата се користи за богослужби, венчавки, крштевки и други црковни обреди, а најмасовно е посетена за Велигденските празници, кога речиси секој граѓанин од градот доаѓа да го одбележи Христовото воскресение.