Единствениот зачуван објект од Отоманската архитектура во Гевгелија, од крајот на XIX век, е градскиот Амам. Објектот е ставен под заштита на државата (Решение бр. 08-2304/2 од 31.12.2003 год.), врз чија основа е прогласен за Споменик на културата. „Амамот“ (турска бања) се наоѓа во центарот на градот, северно од поранешниот градски пазар,. Изграден е во почетокот на XIX век.

Со донаторски средства од збратимената општина – Карач од Република Турција, средства од Општината и од Министерството за култура Амамот е обновен, реконструиран и прилагоден во ликовна галерија, која работи во составот на Националниот музеј. Зачуван е неговиот доминантен и првичен изглед со две куполи, една мала и другата голема, обложени со бакар, со главна одаја, каде што била сместена турската бања со огромен централен мермерен постамент и странични седала и со мала приемна одаја. Реконструираниот Амам, успеа да се спротивстави на „забот на времето“ и опстане за идните генерации на градот Гевгелија. Амамот е ставен под заштита на споменици на Р. Македонија.

До Амамот постои паркинг простор.